Masincedane is ‘n nie-winsgewende organisasie (NPO) en is geregistreer by die Ontvanger van Inkomste as ‘n artikel 18A organisasie Ons is ‘n werk- en sorgsentrum vir die erg verstandelik en/of fisiese gestremde volwassene tussen die ouderdom van 19 en 55 jaar. 

Masincedane het die volgende ten doel:

• Om die lewenskwaliteit van sy lede te verbeter;
• Om dit moontlik te maak om te deel in konstruktiewe en betekenisvolle aktiwiteite;
• Om ‘n verskeidenheid vaardighede aan te leer om sodoende  aktief in die gemeenskap te kan funksioneer
• Om ‘n versorgde omgewing te skep waarin hulle tuis kan voel;
• Om ‘n groter publieke bewuswording van hul teenwoordigheid en behoeftes in die gemeenskap te skep; en
• Om te pleit vir die beskerming van hul regte in die gemeenskap.